Поради слабите резултати на почетокот од новата сезона во Првата фудбалска лига, Александар Таневски си поднесе оставка од позицијата тренер на Академија Пандев.

„Пандевци“ на стартот од новата сезона имаат само една победа над Струга ТЛ и дури четири порази со што се наоѓаат на претпоследното место на табелата.

„Како човек и како тренер имам свој морал и достоинство. Свесен сум за слабите резултати во овие пет кола, а свесен сум и за слабата игра и очајното однесување на нашите фудбалери на вчерашниот натревар против Борец и токму поради тоа мислам дека морална обврска на секоја вистински човек и тренер е да ја презеде одговорноста на себе и да поднесе оставка“, напиша меѓу другото Таневски на социјалните мрежи.