Екипата на Академија Пандев утревечер на Националната Арена „Тодор Проески“ ќе го има деби настапот во европските купови. Противник во првото коло од квалификациите за Лигата на Европа е екипата на Зрињски од Мостар, кој е шесткратен шампион на БиХ.

Иако „пандевци“ се дебитанти во евро куповите, од противникот кој ја има фаворитската улога, добиваат максимален респект .

– Мило ми е дека сме тука во Скопје во овој спортски град со голема традиција и со прекрасен стадион. Морам да кажам дека максимално ја респектираме Академија Пандев, а тоа го покажуваат и резултатите, трето место во Првата лига и трофеј во Купот. Тоа се резултати за респект. Сигурно нема да ја потцениме Академија Пандев, но знаеме која е нашата цел и кои се нашите предности. За нас секој позитивен резултат е добар, а ќе направиме сѐ за да напавиме реваншот да ни биде полесен. Но, сѐ ќе покаже теренот – изјави тренерот на Зрињски, Хари Вукас.