Денеска во полуфиналето од Купот на Македонија составот на Академија Пандев со резултат 3:1 успеа да го елиминира тимот на Македонија ЃП. Ова е втора победа во низа за Академија Пандев во три дена против истиот ривал, претходно триумфираше со 2:1 во Првата лига.

На денешната куп пресметка Ферати им донесе водство на „пандевци“ во 15 минута, израмнија „лавовите“ од Ѓорче Петров преку Ајрулахи (31`). Стрелецот на голот за струмичкиот клуб 180 секунди подоцна го напушти теренот поради два жолти картони.

Но, и покрај тоа екипата на Александар Васоски дојде до нова минимална предност со погодокот на Радески од пенал (55`).

Силите на теренот беа израмнети откако во редовите на Жикица Тасевски црвен картон доби Китановски во 60 минута од средбата. Конечниот епилог го постави Радески во самиот финиш од дуелот, повторно беше прецизен од белата точка.

Во второто полуфинале силите ќе ги одмерат Струга Трим Лум и Силекс.