Академија ФМП го изненади Куманово на стартот од првенството
Стартот на кошаркарската прва лига го одбелеќа изненадувањето кое го приреди Академија ФМП.
Кошаркарите на Александар Петровиќ со 84:75 го совладаа фаворизираниот Гостивар, додека Куманово во неизвесен натпревар го совлада ТФТ со 82:83.
Од самиот почеток на средбата домашните наметнаа свој стил на игра, брза и динамична игра во нападот и креираа многу отворени шутеви од кои поголем дел ги реализираа.
Таквата игра им донесе предност во првата четвртина од 24:15, а со одлична игра продолжија и во втората четвртина и на полувреме заминаа со 15 поени разлика (48:33).
На стартот од второто полувреме, гостиварчани почнаа да се враќаат во игра и по шест минути дојдоа до едноцифрена негатива (47:56), но не успеаја да го намалат водството на домашниот тим.
Во последната четвртина домашните кошаркари умешно ја одржуваа предноста и на крајот сосема заслужено славеа со 84:75.
Крстајиќ беше одличен кај победничкиот тим со 23 поени, 18 поени даде Херис, додека во редовите на Гостивар се истакна Армстед со 19 поени и седум асистенции.
Екипата на Куманово благодарение на Горјан Марковски кој ги реализираше слободните фрлања во последните моменти од натпреварот дојде до победата над ТФТ со 83:82. Домашниот тим го имаше последниот напад, но Митревски направи почетничка грешка, наместо да шутира за три поени, влезе во рекетор и со положување постигна само два поени. Андрејевиќ постигна 16 кај Куманово каде се истакна и Стојановски со 15 поени додека кај домашниот тим Андерсон беше најпрецизен со 20 поени.