Јовиќ во редовите на Ајтрахт пристигна во 2017 година како позајмен играч од Бенфика, но германскиот тим постојано имаше опција да го откупи договорот и по фантастичните игри сезонава тоа и го стори. Ајнтрахт и официјално го откупи Јовиќ, а сумата која Бундеслигашот и ја плати на Бенфика се движи помеѓу 6 и 12 милиони евра, додека српскиот репрезентативец потпиша четиригодишен договор.

– Многу сме задоволни со развојот на Лука. Откупот на договорот од Бенфика воопшто не беше доведен во прашање, само чекавме да дојдеме до крајот на сезоната. Тој е играч со неверојатни можности и многу ни е важно што успеавме да го „врземе“ за нас во наредните четири години – изјави Фреди Бобич, спортскиот директор на Ајнтрахт.

Лука Јовиќ во редовите на германскиот тим пристигна во 2017 година и во првата сезона на 22 натпревари постигна осум голови, додека оваа е фантастичен со 17 голови и шест асистенции на 27 одиграни натпревари.
За него постои огромен интерес помеѓу големите екипи, а медиумите шпекулираат дека тој на лето за сума помеѓу 60 и 70 милиони евра ќе се пресели во Реал Мадрид.