Ајнштајновата загатка е логички тест за кој се тврди дека можат да го решат само 2 проценти од луѓето. Го добил името по славниот физичар Алберт Ајнштајн бидејќи тој, наводно, го измислил уште кога бил на мала возраст. Дали сте и вие еден од генијалците кои можат да го решат?

Задача
Пет куќи се обоени во пет различни бои и во сите куќи живеат луѓе со различна националност.

Петте сопственици пијат различни пијалаци, свират на различни инструменти и чуваат различни домашни миленичиња, односно ниту еден од нив нема ист миленик, инструмент или пијалак како другите.

Ваша задача е да одговорите кој има риба како домашно милениче.

Има само едно решение, а патем треба да откриете кој во која куќа живее, од која националност е, каков пијалак пие и на кој инструмент свири.

Податоци кои се потребни да се реши задачата:

1. Британецот живее во црвената куќа
2. Швеѓанецот чува куче
3. Данецот пие чај
4. Зелената куќа е лево од белата
5. Сопственикот на зелената куќа пие кафе
6. Оној што свири на виолина одгледува птици
7. Сопственикот на жолтата куќа свири на клавир
8. Сопственикот на средната куќа пие млеко
9. Норвежанецот живее во првата куќа
10. Човекот што свири на труба живее покрај оној што чува мачки
11. Човекот што чува коњи живее до оној што свири на клавир
12. Оној што свири на хармоника пие пиво
13. Германецот свири на гитара
14. Норвежанецот живее покрај сината куќа
15. Човекот што свири на труба има сосед што пие вода

Прашањето е кој чува риби?

Мислите дека знаете? Проверете го решението.

Решение
Рибите ги чува Германецот, кој притоа живее во зелената куќа, свири на гитара и пие кафе.

Дали и вие дојдовте до тоа решение?

Ако е така, ви честитаме, спаѓате во групата генијалци, односно во оние 2% најпаметни луѓе од целата популација.