Ахмети: Во прв круг победивме во Сарај, Липково и во Пласница, значителна предност имаме во Тетово, Чаир, Кичево и Струга

Али Ахмети, лидер на ДУИ, Фото: Слободен печат

ДУИ победи во првиот изборен круг на локалните избори во Липково, Сарај и во општина Пласница изјави лидерот на партијата Али Ахмети на вечерашната прес конференција од седиштето во Мала Речица.

Ахмети рече дека ДУИ е со значителна предност во Тетово, Чаир, Кичево, Струга, Желино, Теарце, Боговиње, Арачиново и во Долнени.

– Во Дебар одиме во втор круг, во Гостивар за 100 отсто го зголемивме партискиот број на гласови. Во втор круг одиме во Чашка и во Врапчиште – изјави Ахмети.

Лидерот на ДУИ за советничките листи во албанскиот блок прогласи убедлива победа во Гази Баба, Шуто Оризари, Битола, Охрид, Чучер Сандево, Ресен, Велес, и како што рече, една дебела победа во Куманово.

Ахмети честита за успешно спроведените ибори и рече дека тие се рефлексија на државата.

Како што јавува нашиот известувач од Мала Речица, атмосферата во штабот на ДУИ е тивка, нема прослава, а присутните си заминаа дома.

Видео на денот