Лидерите на ДУИ и Движењето БЕСА, Али Ахмети и Билал Касами се вакцинирани против ковид-19 со руската вакцина „Спутник В“ како пратеници на Собранието на Северна Македонија. Лидерот на опозициската Алијанса за Албанците, пак, Зијадин Села чека да се вакцинира, бидејќи помина месец и половина од кога ја доби битката со коронавирусот.

– Претседателот Села има месец и половина откако ја доби битката со коронавирусот. Откако ќе помине три месечниот пост-Ковид период, секако дека тој ќе биде вакциниран, информираат за Слободен печат од AА.

Лидерите на албанските политички партии, исто така, упатија и јавени повици до граѓаните да го искористат правото на вакцинација, бидејќи според нив, ова е најдобриот и единствениот начин да се заштитат од корнавирусот. Покрај партиските лидери, и пратениците на политичките партии на Албанците ја примија првата доза на вакцината „Спутник В“.