Лидерот на ДУИ, Али Ахмети денеска оствари средба со претседателот на Движењето „Беса“, Билал Касами, а на својот „Фејсбук“ профил откри за што разговарале.

– По минатонеделниот телефонски разговор, денес во Скопје се сретнав со претседателот на Движењето „Беса“, г. Билал Касами, вели Ахмети во објавата на Фејсбук.

Тој додава дека со Касами ја оцениле реализацијата на предвремените парламентарни избори на 15 јули и заеднички ги поздравуваат афирмативните оценки на меѓународната заедница и особено на ОБСЕ / ОДИХР.

– За време на конструктивната средба, се согласивме да ги продолжиме нашите напори за евроатлантскиот пат на земјата, како и долгоочекуваните реформи кон владеењето на правото преку развивање на отворен и континуиран дијалог, напиша Ахмети.

Лидерот на ДУИ додава дека се надева наредните денови дека ќе оствари средби со претставници на албанските опозициски партии.