Ахмети му честиташе на олимпиецот: Георгиевски ги следи стапките на Трстена и Сејдиу

Фото: MOK/Слободен печат

Дејан Георгиевски ги следи стапките на олимписките шампиони од Северна Македонија како Шабан Трстена, Шабан Сејдиу и други, освојувајќи сребрен медал на Олимпијадата во Токио и му честитам за ова достигнување, напиша лидерот на Демократската унија за интеграција (ДУИ), Али Ахмети во својата честитка упатена до Дејан Георгиевски, олимпискиот вицешампион во теквондо за освоениот сребрен медал на ЛОИ 2020, пренесува “Слободен печат”.

-Од 2 август 1903 година до 13 август 2001 година, многу работи се сменија во нашето општество, особено во спортот каде Албанците и Македонците заедно со другите победуваат без граници од секаков вид. На 20 -годишнината од Охридскиот договор, фудбалскиот тим на Северна Македонија е најдобриот пример за општествена еволуција кај нас и добро ги отсликува постигнувањата во однос на еднаквоста. На спортистите им посакувам успех на сите полиња, додека ние, со овие секојдневни настани за одбележување на 20 -годишнината од Охридскиот договор, се потсетуваме на визионерскиот пат за еднакви можности и одговорности – истканува лидерот на интегративците Али Ахмети.

 

Фото: Facebook/Ali Ahmeti
Видео на денот