Ахмети: ДУИ ќе се ангажира за владеење на правото, ќе се залага за ветинг на институциите

Тој одговарајќи на новинарско прашање вели дека не стравува од евентуална коалиција на БЕСА и Алијанската за Албанците.

ДУИ во новиот мандат ќе се ангажира за владеење на правото, ќе се залага за ветинг на институциите, почнувајќи од обвинителството, судството, општините. Секако еден од главните приоритети е и економијата за да обезбедиме подобри услови за работа за сите претприемачи што се заинтересирани да инвестираат. Ние првично обезбедуваме безбедност за нивниот капитал, истовремено и подобрување на бирократијата што се донесува се со цел тие полесно да водат бизнис во нашата држава, изјави лидерот на ДУИ Али Ахмети при посетата на индустриската зона во Визбегово.

Тој одговарајќи на новинарско прашање вели дека не стравува од евентуална коалиција на БЕСА и Алијанската за Албанците.

-Истото прашање секоја година ми го поставувате. Немам никаква параноја што се однесува до нивната коалиција, рече Ахмети.

Во врска со тоа дали на овие избори ќе се почитува принципот победник со победник за формирање на Влада тој вели дека неколкупати зборувал за тоа во 2016 година, кога ситуацијата била специфична.

-Неколку пати сум го објаснил тоа. Не сакам да се повтори 2016 година, специфична ситуација, вонредна ситуација во тој момент на државата. Не би сакал никогаш да се повтори таа ситуација. ДУИ на овие избори ќе оди самостојно со своја политичка програма, рече Ахмети.

Прашан дали на кандидатските листи за претстојните избори ќе се најдат веќе искусни пратеници, Ахмети вели дека ќе се направат истражувања и анализи во рамки на партијата и оти ќе предложат кандидати кои ќе бидат прифатливи за нивните гласачи, но и за сите граѓани.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот