Дефинитивно највозбудливата завршница на една премиерлигашка сезона, меч кој што секогаш ќе се врти на телевизиските станици и титулата на Манчестер сити која за „граѓаните“ е најслатка во историјата.

Манчестер јунајтед имаше титула во свои раце, но Сити му ја „украде“ во последните две минути од сезоната 2011/2012.

„Граѓаните“ беа во негатива од 66 минута против КПР, а за целосен пресврт се погрижија Един Џеко во 92 и Серхио Агуеро во 94 минута за големо славје на составот на Роберто Манчини.

Огромна радост на трибините на „Етихад“, а навистина интересен е податокот што асистенцијата на Марио Балотели до Агуеро, му беше единствената во Премиер лигата.

Сити ја освои својата шеста титула во најсилното англиско фудбалско првенство..