Шампионот Манчестер сити одигра нерешено 2:2 со Кристал палас во натпревар со многу пресврти, гостите од Лондон први дојдоа во водство преку Џек Тосун.

„Граѓаните“ со головите на Серхио Агуеро во 82. и 87. минута беа пред победа, но Фернандињо со автоголот во 90. минута му донесе бод на Кристал палас.

– Тешко беше да се игра со ваков противник. Долго време се обидувавме да наметнеме наша игра. Потоа ја преземавме иницијативата и го контролиравме текот на натпреварот. Палас не создаде ништо посебно, но заработи бод – рече менаџерот на Манчестер сити, Пеп Гвардиола.

Арсенал дома ремизираше со Шефилд јунајтед (1:1), Мартинели стрелаше за водство на „топчиите“ непосредно пред паузата.

Бод за гостите донесе Флек во 83. минута од средбата на „Емирати“ стадионот во Лондон, чиј удар не успеаја навреме да го блокираат домашните одбранбени играчи.

Резултати на другите натпревари од 23. коло во Премиер лигата одиграни попладнево:

Вотфорд – Тотенхем 0:0
Брајтон – Астон вила 1:1
Норвич – Бурнмут 1:0
Саутемптон – Вулверхемптон 2:3
Вест Хем – Евертон 1:1
Њукасл-Челзи 1:0

Табела:

1.Ливерпул 61 бод
2.Манчестер сити 48
3.Лестер 45
4.Челзи 39
5.Манчестер јунајтед 34
—