Агенти деноноќно ја следеле Катица Јанева
Последните денови пред да биде уапсена, Катица Јанева била добро следена од екипа на МВР. Од нејзиното следење јавноста можеше да дознае дека таа била во резиденцијата на Претседателот на Република Македонија, во козметички салон, а неколку пати се сретнала со нејзиниот син Лазар.
Двапати Јанева била лоцирана дека влегува во зграда каде што е сместена адвокатската канцеларија „Поленак“. На 20 август лани таа влегла во службеното „пежо“ и пристигнала во скопска Апелација. После некое време се вратила дома.
Екипа на МВР ја снимило и како руча со нејзини познаници во ресторанот „Ден и ноќ“.
Јанева и нејзина познаничка биле да купуваат во супермаркет на „Тинекс“, а потоа купените производи ги однеле на засега непознато лице кое било згрижено на Геријатрија. Во посета на лице сместено на Геријатрија таа била и пред 20 август.
Следниот ден, на 21 август, Јанева беше уапсена во нејзиниот дом лоциран во Козле.