Агенцијата за медиуми на денешната седница реши да покрене постапка против 1ТВ за наводно скриено сопствеништво, односно повреда на членот 34 од  ЗААВМУ. Иако пред неколку месеци постоеше иста ваква иницијатива постапка не беше отворена бидејќи за тоа не гласаа доволен број на членови на Советот на агенцијата, односно тројца беа „за“ и исто толку „против„, а еден не беше присутен.

Како што објаснува директорот на Агенцијата Зоран Трајчевски иницијативата за која денеска се расправаше е нова, а следува по последното интервју на Бојан Јовановски, познат како Боки 13, во кои тој зборува дека е сопственик на медиумиот, иако во Централниот регистар како сопственик на медиумот е впишана „БЈМ Медиа Груп” која пак е во сопственост на Миле Јовановски, татко на Бојан Јовановски.