Агаси ќе ја уништеше кариерата на Ѓоковиќ
Кондицискиот тренер на Новак Ѓоковиќ, Австриецот Гебхар Фил Грич е задоволен од прикажаните игри на најдобриот светски тенисер на штотуку завршниот Ролан Гарос.
– Успехот е поради заедничката работа. Ништо не менувавме од претходниот пат кога работевме заедно со Ѓоковиќ. Јас и тренерот Маријан Вајда го знаеме толку добро Новак и се што му е потребно за врвни резултати – вели Фил Грич.
Австриецот го обвини поранешниот тренер Андре Агаси заедно со Радек Степанек дека во желбата за брз успех ризикувале да му ја уништат кариерата.
– Новак беше многу физички но и психички слаб по работата со Агаси и Степанек. Дури две години го мачеше повредата на лакотот и кога играше со послабо рангирани тенисери редовно ги губеше натпреварите. Потоа тренираше со поголем интензитет и тогаш кариерата му беше сериозно загрозена. Агаси и Степанек сакаа да сменат нешто што никогаш немаше да успее. Не можете да менувате работи кај човек и кај спортист доколку не го знаете. Тие сакаа успех преку ноќ и го избраа погрешниот пат. Агаси нема искуство како тренер, тој беше голем тенисер но никако не може да се каже дека ќе биде успешен и како тренер. За да тренирате тенисер како Новак Ѓоковиќ мора да имате самодоверба, а тоа не го гледав во ставот на Агаси – вели Фил Грич.