„Слободен печат“ денес прв го објави вознемирувачкото видео на кое се гледаше како двајца насилници од Штип брутално тепаат девојка, која низ лелеци ги моли да престанат да ја напаѓаат. По нашата објава, МВР експресно реагираше и лицата беа лишени од слобода, при што видеото беше отстрането од нашиот портал и јутјуб канал.

Чинот на насилниците предизвика бес на социјалните медиуми, а во борбата против насилството се вклучи адвокатската канцеларија „Ваневски“ од Скопје, кое ѝ понуди бесплатна правна помош на жртвата:

„На нападнатото девојче и нудиме бесплатна правна помош односно застапување во судска постапка со приклучување на кривично гонење и да и се исплати надомест на штета. Доколку некој ја познава нека ја упати да не контактира“, напиша адвокатот Ваневски на Фејсбук.