Адвокатот Жарко Стефаноски се повлекува од СДСМ: Нема интерес за имплементирање на нови политички активности
Адвокатот Жарко Стефаноски од Прилеп соопшти дека повеќе нема да биде член во матичниот комитет на СДСМ во Прилеп.
Во неговото соопштение стои дека оваа одлука ја донел поради недостиг на можност за напредување во партиската хиерархија и на волја за соработка и имплементација на нови стратегии.
– И покрај преземањето на локалната власт на последните локални избори, ОО на СДСМ Прилеп воопшто не покажа интерес за имплементирање на нови политички активности кои доликуваат на политики на партија на власт, кое нешто се потврди и од изборните резултати на последните претседателски избори. Активностите и политиките на огранокот би требало да бидат рефлексија на генералните политики на партијата, но со оглед на актуелните политички случувања и политички резултати на локално ниво не е случај. Поради погоре наведените причини сметам дека мојот партиски ангажман до денес, освен што е злоупотребен заради исполнување на лични цели на поединци и групи кои егзистираат низ внатрепартиските органи на огранокот, воопшто не е искористен заради реално имплементирање на генералните цели и политики на партијата – образложува Стефаноски.