Меѓуинституционалната соработка, особено со Министерството за здравство и со Комисијата за заразни болести, е клучна и наставата во новата учебна година посакува да се организира со физичко присуство, истакна поранешниот министер за образование и наука, Арбер Адеми во гостување на ТВ 24.

– Уште како министер реков дека организирање и реализирање на учебната година со физичко присуство нема замена и треба храбар чекор да преземеме во овој правец и да очекувме кои ќе бидат предизвиците од организирање на наставата со физичко присуство. И сега останувам на тој став, изјави Адеми.

Претходникот на Мила Царовска го оквалификува Министерството за образование и наука како една од најтешките институции за раководење, па затоа и посака среќа на актуелната министерка.

„Од искуство велам, Министерството за образование и наука е една од најсложните и најкомплексните институции за раководење, имајќи ги предвид многубројните проблеми и предизвици со кои се соочуваме. На колешката Царовска и посакувам се најдобро, иако знам дека особено во вакви околности со пандемија и со онлајн учење ќе имаме уште повеќе проблеми“, потенцира Адеми.