Адеми: Избори во мирна и демократска атмосфера, во согласност со европските стандарди
Портпаролот на централниот изборен штаб на ДУИ, Арбр Адеми по завршувањето на изборниот процес на прес-конференција на партиското седиште истакна дека денот поминал демократски и оцени дека граѓаните дале поддршка за нивниот концепт.
-Изборниот процес помина во мирна и демократска атмосфера во согласност со европските стандарди. Институциите на државата демонстрираа висок капацитет на организирање на избори во согласност со очекувањата на учесниците и меѓународната заедница.Сметаме дека начинот на организирање на овие избори е исполнување на уште еден услов за добивање на датум за почнување на преговори со ЕУ, истакна Адеми.
Тој посочи дека следуваат и детални информации за волјата на граѓаните.
Според партиските првични проценки, Адеми рече дека на изборот за градоначалник во Дебар, Хекуран Дука е во предност.