Денеска ќе се играат првите натпревари од четвртфиналето во фудбалската Лига Европа, за нас секако најинтересно е новиот настап на Динамо Загреб во чии редови се македонските репрезентативци Аријан Адеми и Стефан Ристовски.

После елиминацијата на Тотенхем, хрватскиот гигант ќе се обиде да направи уште еден историски успех, а пречката на патот до полуфиналето во ова натпреварување се вика Виљареал.

„Модрите“ на стадионот „Максимир“ од 21.00 часот се домаќини на првиот меч против шпанскиот претставник, а во истиот термин се и останатите три средби: Ајакс-Рома, Арсенал-Славија Прага и Гранада-Манчестер јунајтед.

„Жолтата подморница“ триумфираше во пет дуели по ред во изминатиот месец, во претходната нокаут-рунда го исфрли украинскиот Динамо Киев, а воедно се израмни на делба од петтото до седмото место на табелата во „Ла Лига“.

Боите на Виљареал ги брани поранешниот дефанзивец на Реал Мадрид, ветеранот Раул Албиол (35):

– Грешат сите кои мислат дека имаме лесен противник. Динамо Загреб е клуб кој доаѓа од земја која е светски вицешампион, има фудбалери со голем талент и со многу интернационалци. Поради тоа сметам дека шансите за пласман во следната фаза се „50-50“ – рече екс репрезентативецот на „црвената фурија“, Албиол.

? The road to Gdańsk continues!
ℹ️ Quarter-final first legs

Pick 2 teams to win… ?@UKEnterprise | #UELFixtures | #UEL

— UEFA Europa League (@EuropaLeague) April 8, 2021