Адеми и Динамо Загреб им се вратија на тренинзите (ВИДЕО)
Добра вест од многу аспекти, со надеж дека фудбалската сезона ќе продолжи, а Адеми воедно ја задржи формата за следните репрезентативни обврски.
Новиот тренер на Динамо Загреб, Игор Јовичевиќ го одработи својот прв ден со екипата, поради пандемијата на коронавирусот се работи во групи по пет играчи.
Секако тоа е добра вест од многу аспекти во овој момент со надеж дека наскоро ќе тренираат и останатите екипи ширум Европа и светот, и воедно продолжи сезоната во националните шампионати.
Во случајот со нашиот интернационалец добра вест и за селекторот Игор Ангеловски да се одржува формата пред новите репрезентативни обврски.
– Задоволен сум. Со нетрпение ги дочекавме денешните тренинзи и разговорите со играчите. Ги делиме сите тие емоции. Одиме според планираното во согласност со упатствата да се исполнат сите критериуми, здравствено сигурни, со соодветни растојанија…
Малку е потешко да се конципираат тренинзите, бидејќи постои форма на соработка каде играчите треба да бидат блиску, но се прилагодуваме. Тренираа со топките и сигурен сум ќе биде подобро во секој нареден ден – рече Јовичевиќ.