Адеми и Динамо пред пласман во третото коло – Слободен печат
СпортФудбал

Адеми и Динамо пред пласман во третото коло

Хрватскиот тим како гостин со 2:0 го совлада грузискиот Сабуртало.

Динамо Загреб за кого настапува и македонскиот репрезентативец, Аријан Адеми речиси го обезбеди пласманот во третото коло од квалификациите за Лигата на шампионите. Хрватскиот тим како гостин славеше со 2:0 над грузискиот Сабуртало, а Адеми го одигра целиот натпревар. Првиот гол го постигна Оршиќ во 67. минута, додека конечниот резултат го постави Петковиќ во 78. минута.

Дерби пресметката во второто квалификациско коло за ЛШ, му припадна на ПСВ кој со пресврт дојде до триумф од 3:2 над Базел. Резултатот го отвори Брума во 14. минута, а до крајот на полувремето, швајцарскиот тим измрани преку Ајети и тоа во судиското продолжение. Во второто полувреме, Алдерете во 79. минута му донесе предност на Базел кој сепак на крајот е поразен. ПСЖ со два гола во самиот финиш преку Ламерс во 89. и Мален во 93. минута успеа да триумфира со 3:2.

Резултати:
Плзен – Олимпијакос 0:0
Сабуртало – Динамо Загреб 0:2
ПСВ – Базел 3:2
ТНС – Копенхаген 0:2
Сутјеска – АПОЕЛ 0:1.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close