Адеми и Динамо на чекор од Лигата на шампионите (ВИДЕО) – Слободен печат
СпортФудбал

Адеми и Динамо на чекор од Лигата на шампионите (ВИДЕО)

Хрватскиот тим во реваншот кој се одигра во Будимпешта славеше со убедливи 0:4.

Македонскиот репрезентативец Аријан Адеми е најзаслужен што Динамо Загреб ќе игра во баражот за влез во Лигата на шампионите.  Хрватскиот тим на гостувањето во Будимпешта го победи Ференцварош со убедливи 0:4, а Адеми беше стрелец на првиот гол и асистираше за постигнување на третиот гол.


Динамо во наредната рунда ќе игра против норвешкиот Розенборг кој повторно со 3:1 го совлада Марибор и победникот од овој двомеч ќе обезбеди пласман во групната фаза во Лигага на шампионите.

Минатогодинешниот полуфиналист во ЛШ, Ајакс со многу мака го елиминира грчкиот шампион ПАОК, победувајќи во реваншот со 3:2 откако првиот натпревар од квалификациите заврши без победник 2:2. Третиот гол за Ајакс го постигна Душан Тадиќ во 85. минута од пенал.

Вистинска сензација приредија екипите на Клуж и на Краснодар кои успеаја да елиминираат два поранешни европски шампиони.
Клуж како гостин со 4.3 го совлада Селтик откако првиот натпревар заврши 1:1, додека поголема сензација направи рускиот тим. Краснодар по поразот од 0:1 на домашен терен од Порто, во реваншот во Португалија победи со 2:3 и си обезбеди двомеч со Олимпијакос за влез во ЛШ. Грчкиот тим по втор пат беше поуспешен од Башакшехир, овој пат победи со 2:0.


Најнеизвесно беше во Копенхаген каде домашниот тим и екипата на Црвена Звезда преку пенали одлучуваа кој ќе игра во последната квалификациска рунда за влез во ЛШ. Двата натпревари завршија со идентични 1:1, а во маратонскиот пенал рулет во кој беа изведени дури 22 пенали, како поумешни се покажаа фудбалерите на српскиот тим. Во 11. серија Павков беше прецизен за Црвена Звезда, додека ударот на Винг гоодрани голманот на Црвена звезда, Борјан. Во баражот Црвена звезда ја очекува двомеч со шампионот на Швајцарија, Јанг Бојс.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close