Адеми, Елмас и Велковски бркаат нокаут-фаза во Лига Европа!
Денеска ќе се играат натпреварите од четвртото коло во Лига Европа после кое би можеле да ги дознаеме и првите патници во 1/16 финалето. Најблиску до таков пласман се екипите на Арсенал, Лестер сити, Виљареал и Хофенхајм кои имаат максимални три победи во своите групи.
И тројца Македонци се во трката за учество во нокаут-фазата, во рамките од групата „Ф“ повторно дуел помеѓу Елиф Елмас и Дарко Велковски.
Од 21.00 часот на стадионот „Сан Паоло“ во Неапол, составот на Наполи на Елмас ќе ја пречека Риека во чии редови повреден е Милан Ристовски.
Хрватите се скоро пред елиминација, иако и натаму имаат шанси за пласман во следната фаза, се наоѓаат на последното четврто место без бодови, а голема борба за првите две позиции водат АЗ Алкмаар, Наполи и Реал Сосиедад кои имаат по шест бодови.
Динамо Загреб на Аријан Адеми е лидер во групата „К“ со пет бода, пред Волфсбергер и Феенорд кои имаат по четири, а два ЦСКА Москва.
„Модрите“ евентуално со нов триумф на дуелот (18.55 часот) во австрискиот Клагенфурт против Волфсбергер ќе се промовираат како учесници во елиминациските борби.