Адел откри кога ќе објави нов албум! (ВИДЕО)
Пејачката Адел својот последен албум насловен „25“ го издаде во 2015 година. Минатиот викенд, додека пееше и ги забавуваше гостите на венчавката на нејзина блиска пријателка, 31-годишната Адел се пофали дека во септември ќе може да се очекува нов музички материјал од неа.
Добитничката на Греми својот последен албум го објави пред цели пет години, а на него се наоѓаат големите хитови како „Hello“ и „Send my love (to your new lover)“.
Станува збор за трет студиски албум благодарение на кој пејачката доби дури пет Греми награди, вклучувајќи ја и наградата за албум на годината, а кога го прими ова признание, Адел и оддаде почит и на својата колешка Бијонсе, која исто така беше номинирана.
Во последно време, името на Адел во јавноста се споменуваше во многу прилики, меѓутоа, за пејачката можеше да се слушне и прочита за сѐ, освен за музика.
Најпрво главна тема беше нејзиниот развод, а потоа и таинствените мажи со кои Адел беше видена во јавноста, па се до нејзиното губење на килограми, поради што таа денеска изгледа речиси непрепознатливо.
