Абрамович за првпат по 10 години не закупи ложа на својот стадион
Сопственикот на Челси, Роман Абрамович, во најскоро време планира да го продаде клубот, а со последниот потег само ги зголеми шпекулациите дека тоа може да се случи уште летово. Абрамович за првпат по скоро 10 години, не закупи ВИП ложа на „Стемфорд бриџ”.
Русинот од 2011 година постојано плаќаше помеѓу еден и три милиони фунти за корпоративните ложи на „Стемфорд бриџ”, но во 2019 година за првпат се одлучи да не плаќа.
Оваа одлука на сопственикот на Челси, според британските медиуми, е знак дека тој ќе го продаде клубот.
За потсетување, минатата година беше објавено дека поради притисокот од британските власти, Абрамович сака да го продаде клубот за три милијарди фунти. Тој во 2003 година го купи Челси за 140 милиони фунти и вложи нешто повеќе од една милијарда фунти за засилувања.