Роман Абрамович се откажа од намерата да ја продаде својата најскапа „играчка“, екипата на Челси, пренесува англиската телевизија Скај спортс. Иако медиумите вчера објавија дека Абрамович е подготвен за нова рунда преговори со најбогатиот Британец, Џими Ретклиф, за продажба на Челси, денеска Русинот се премисли и ги откажа преговорите.
Ретклиф беше подготвен да плати дури 2.5 милијарди евра за тимот од Лондон.

Роман Абрамович го купи Челси за 160 милиони евра во 2003 година и оттогаш со постојаното вложување го направи тимот од Лондон, еден од најгомите во клубови во Европа.
Тој вложи повеќе од една милијарда фунти за засилувања, а ефектот е пет титулуи во Премиер лигата, пет трофеи од ФА купот, три трофеи од Лига купот и една титула освоена во Лигата на шампионите.