Абидал: Ракитиќ знае дека не е во плановите на Барса – Слободен печат
СпортФудбал

Абидал: Ракитиќ знае дека не е во плановите на Барса

Хрватскиот репрезентативец цела сезона не е задоволен од третманот на каталонскиот клуб...

Денеска дојде и изјава на спортскиот директор на Барселона, Ерик Абидал кој потврди дека не сметаат повеќе на Иван Ракитиќ.

– Ракитиќ знае дека постои спортска одлука која треба да се разбере. Веќе е информиран дека не е повеќе дел од нашите планови – рече спортскиот директор на Барселона, Абидал за „Мундо Депортиво“, а пренесуваат и хрватските медиуми.

Се очекува разделбата да се случи во текот на зимскиот преоден рок, а се шпекулира дека можно е Хрватот да ја продолжи кариерата во Италија.

За неговите услуги интерес покажуваат екипите на Милан, Јувентус и Интер, потоа има понуда од Манчестер јунајтед, а можно е да остане во Шпанија, односно се пресели во редовите на Атлетико Мадрид.

Барса за Ракитиќ ќе бара околу 35 милиони евра, а наводно веќе одбила понуда од еден премиерлигашки клуб од 15 милиони евра.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close