Абдулменаф Беџети: Не е време за криптовалути
Европската централна банка не излегла со став за криптовалутите, така што е се уште рано, ние да зборуваме за нивно официјализирање, вели академик Абдулменаф Беџети, во изјава за „Слободен печат“, откако ВМРO-ДПМНЕ информираше дека веќе е изготвен предлог закон со кој се предлага официјализирање на криптовалутите.
– Се уште е рано да зборуваме за официјализирање на криптовалутите, а и Македонија се уште нема институционален капацитет за такво нешто – вели Беџети.
Во однос на предлогот на ВМРО-ДПМНЕ преточен во предлог-закон, при трансакции со криптовалути да има ослободување од ДДВ, како и да се ослободат инвеститорите од данок на доход и од данок на добивка, академик Беџети вели дека овој предлог нема никаква логика.
– И трансакциите со криптовалути, практично се трансакции и тие би морале да подлежат на истите правила како и сите други трансакции – категоричен е Беџети.