Абазовиќ: Законот за слобода на вероисповед може да се смени за пет минути
Изминатите денови во Црна Гора се почесто се зборува за Законот за слобода на вероисповед, а наводно токму тој закон е спорната точка во евентуалниот договор меѓу партиите победнички на парламентарните избори, пишува Недељник.рс.
УРА која ја предводи Дритан Абазовиќ е мета на критики на идните коалициони партнери бидејќи наводно само тие не сакаат да се суспендира Законот за слобода на вероисповед.
Сепак, Абазовиќ за Нова.рс рекол дека се потребни пет минути за законот да иде сменет, така што на сите ќе им одговара.
„Луѓето кои треба да се договорат околу Законот за слобода на вероисповед веќе се договориле. Тоа ќе биде решено за пет минути. Законот нема да го подвлекуваме бидејќи тоа не е практично и тоа е единствената причина. Ќе бидат исфрлени сите спорни членови, што е во интерес на сите, па и на црквата“, рекол Абазовиќ.
Тој истакнал дека не е добро да се навлегува во полемика и препукувања.
„Не ни треба јавна полемика. Пробуваме да се договориме со партиите во коалицијата. Оптимист сум и мислам дека многу брзо ќе најдеме решение и ќе се договориме. Тоа е она што граѓаните го очекуваат од нас. Морам да нагласам дека нашите ставови се многу јасни и едноставни. Околу Законот за слобода на вероисповед се договоривме со цркавата и тоа ни е најважно. Во потполност го подржувам Кривокапиќ и меѓу нас нема конфликти, што е најбитно. Целата приказна со законот е готова – решена“, нагласува Абазовиќ.