Денеска македонскиот кошаркарски шампион во рамките од осмото коло во АБА2 лигата ја забележа шестата победа сезонава, откако на домашен терен со 83:71 (25:18, 16:13, 24:18, 18:22) триумфираше против Широки Бријег.

Во победничките редови за популарните „штркови“ доминираа Џ. Хиндс со 17 поени (шест асистенции), а по 13 поени А. Магдевски (по шест скокови и асистенции) и Д. Стојановски (пет скокови).

На спротивната страна за босанскиот претставник по 13 поени имаа М. Дрежњак (четири скокови) и Ј. Батиниќ.

Играчите на тренерот Ѓорѓи Кочов моментно се на втората позиција во генералниот пласман со 14 бодови, еден помалку зад водечкиот Борац.

Во наредното коло „металците“ ќе ги одмерат силите против српскиот Динамик на гостински терен, дуел кој ќе се одигра на 28 ноември.