Јуниорската екипа на МЗТ Скопје Аеродром од утре до недела, во Задар, како единствен тим од АБА2 што доби покана за учество, ќе настапи на полуфиналниот турнир од АБА У19-лигата и тоа во исклучително силна група, заедно со Црвена звезда, Цедевита Олимпија, Копер Приморска, Морнар и тимот на домаќинот.

Двете најдобро пласирани од овој состав, заедно со првопласираните од групата што ќе се игра во Белград, а во која ќе се појават Партизан, Будуќност, Мега, Игокеа, Крка и Цибона, ќе се најдат на финалниот турнир следната година, за кој домаќинот дополнително ќе биде одреден.

„Сино-белите таленти“ отпатуваа со надеж достојно да го претстават клубот и македонската кошарка во целост, со желба за надигрување, но и собирање драгоцено искуство во пресметките со најталентираните на реномираните тимови од регионот.

Најголем дел од нашиот тим го сочинуваат играчи кои настапуваат за МЗТ Скопје УНИ Банка во Првата лига, а екипата ќе биде предводена од Горан Крстевски. Во составот за турнирот во Задар се најдоа: Андреј Андоновски, Никола Арсиќ, Виктор Исајловски, Никола Кацарски, Суад Карталовиќ, Теодор Милевски, Дарио Митевски, Никола Орлов, Виктор Ташоски, Славко Трајковски, Марко Величковски и првотимецот Љубиша Димитровски.

РАСПОРЕД НА НАТПРЕВАРИТЕ

ЧЕТВРТОК (28 ноември)

МЗТ Скопје Аеродром – Морнар (18 часот)

ПЕТОК (29 ноември)

МЗТ Скопје Аеродром – Задар (11.45 часот)

МЗТ Скопје Аеродром – Ц. Звезда (20.15 часот)

САБОТА (30 ноември)

МЗТ Скопје Аеродром – Цедевита Олимпија (11.45 часот)

НЕДЕЛА (1 декември)

МЗТ Скопје Аеродром – Копер Приморска (11.45 часот)