АВА лигата е подготвена да направи на радикални потези како не би се повторил циркусот кој го  одбележа финалето помеѓу Црвена звезда и Будуќност во последните две години.

Новиот претседател на АБА Лигата, Домагој Чавловиќ најавува дека во случај на инциденти, виновниците ги чекаат жестоки казни, па дури е можно и исфрлање од лигата

– Сите сме свесни што се случуваше на тие неколку натпревари, а исто така сме согласни да не дозволиме да се случуваат такви сцени и во иднина. Во спротивно, учесниците на инцидентите ги очекуваат ригорозни казни. Правилата ќе бидат поригорозни бидејќи не сакаме да ни се повторни тоа што се случуваше во финалето на плејофот. Доколку се повторат инцидентите, може да дојде до исфрлање од лигата. Се надевам дека идната сезона ќе помине во спортска атмосфера – изјави Чавловиќ.