Кошаркарите на ТФТ го одиграа и вториот натпревар во „балонот“ во Бања Лука во АБА 2 лигата.

ТФТ се соочи со екипата на Широки против која имаше сосема солидно прво полувреме и водство (41:38), но и очајно второ, во кое дадоа само 20 поени, и по кое запишаа уште еден пораз, седми во девет одиграни кола од регионалното натпреварување.

Само четири поени даде ТФТ постигна во третата четвртина, а противникот дури 22, и практично во тие 10 минути во кои Широки направи серија од 18:0 се покажаа како решавачки.

Откако влегоа во голем минус играчите на ТФТ не можеа да се вратат назад во натпреварот и нов пораз кој ги оддалечува од пласман во ТОП 8 конкуренцијата, онаа која има шанси преку плеј-офот да стигне до елитната АБА лига.

А шанса за поправка на впечатокот на овој турнир во Бања Лука, македонскиот кошаркарски клуб ќе има за два дена, в сабота кога од 12.00 часот ќе игра против „аутсајдерот“, Вредноснице Осијек од Хрватска.