Неодамнешните клевети и измислици на ВМРО-ДПМНЕ и Христијан Мицкоски кон Алијанса за Албанците немаат друг мотив освен одмазда по објавата на скандал со јавен тендер вреден 12 милиони евра што води до Мицкоски, велат од партијата.

Во соопштението се наведува дека се работи за злоупотребена набавка на биометриски систем за идентификација на гласачите којшто никогаш не профункционирал и кој Кренар Лога, членот на ДИК предложен за министер за правда, го откри и го пријави до Антикорупциската комисија и органите на правдата.

Државната комисија за спречување на корупција и Државната ревизија веќе отворија предмет за овој коруптивен случај на партијата на Мицкоски, а информирани се и амбасадите во земјава. ВМРО-ДПМНЕ има долго криминогено и коруптивно минато под водство на Груевски, од кое Мицкоски како негов штитеник на чело на ВМРО никогаш не се оградил, ниту во однос на шовинистичкиот наратив, ниту во однос на коруптивните методи, додаваат од партијата.