Ковачки: ВМРО-ДПМНЕ ќе поднесе законски измени за обесштетување на семејствата на загинатите и ранетите бранители
ВМРО-ДПМНЕ ќе поднесе законски измени за обесштетување на семејствата на загинатите и ранетите бранители од 2001 година, најави пратеникот од партијата Драган Ковачки по оддавањето почит на загинатите бранители.
– Сакам како пратеник во Собранието на Република Македонија да кажам дека завршивме со подготовките на законските измени за обесштетување на семејствата на загинатите и ранетите бранители кои што не се обесштетени до ден денешен и во текот на оваа седница тој закон ќе го поднесеме, рече Ковачки.
Тој очекува широк консензус по ова прашање и, како што кажа, поддршка од СДС.
Ковачки изрази жалење што на оддавањето почит немало претставници од Министерството за одбрана од каде што требало да биде испратена делегација.