Полицијата сподели информација од Кичево која говори за високиот интензитет на посветеноста и за јасните приоритети на МВР во борбата против нелегалното оружје, но и против криминалот во земјава воопшто. 84-годишна жена од градот добила кривична пријава откако лани полицајците во нејзиниот дом откриле опасно огнено оружје – две ловечки пушки.

„Надворешната канцеларија за криминалистички работи Кичево поднесе кривична пријава против Ц.С.(84) од Кичево поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи”. На 22.05.2024, полициски службеници извршиле претрес во домот на пријавената, при што биле пронајдени и одземени две ловечки пушки кои неовластено ги поседувала“, соопшти МВР за ова свое постигнување.

За кривичното дело за кое е осомничена 84-годишната жена, предвидена е казна затвор во траење од три до десет години.