Велосипедската патека во Боливија позната како „Патека на смртта“ е необичен избор за 70-годишна баба, но Мирта Муњоз покажа дека годините не се пречка за тоа.

Станува збор за една од најопасните патеки на светот, со остри кривини кои се искачуваат до 3.350 метри надморска височина. Велосипедистите возат низ џунгла на почетокот, а потоа продолжуваат кон снежните покриени врвови на Андите. На патот се среќаваат со магла, дожд, слечишта и стрмни кривини, а досега илјадници луѓе го загубиле животот на „Патеката на смртта“.

All power to Mirtha Munoz!https://t.co/H3KO8TMITz

— Francis Sedgemore (@hesgen) October 6, 2019

Но, за 70-годишната Боливијка Мирта Муњоз, која е најстара натпреварувачка на велосипедската трка „Skyrace“ која е долга 60 километри, е еден вид на продожување на хобито со кое се зарази пред многу години. Таа почна да се бави со велосипедизам по ненадејната смрт на синот и по препорака на психолог.

Психологот ми кажа дека возењето велосипед може да ми помогне да ја совладам болката и да продолжам со нормалниот живот – вели Мирта Муњоз.

Таа се надева дека еден од шесте внуци од кои најстариот има 18 години, ќе тргнат по нејзините стапки.