Возач на камион од Кочани утрово бил запрен од полицијата, при што било констатирано дека тој превезувал песок за потребите на градежни работи за Општина Кочани, без да има лиценца за јавен превоз.

„Денеска (30.11.2022) во 09.00 часот на ул.„Никола Карев” во Кочани, полициски службеници од ОВР Кочани извршиле контрола во товарно возило „МАН”, со штипски регистарски ознаки, сопственост на А.Ј.(35) од Штип, а управувано од Д.Ј.(69) од Штип. При контролата било констатирано дека со возилото се врши превоз на песок за извршување на градежни активности за потребите на Општина Кочани без поседување лиценца за јавен превоз“, се вели во полициското соопштение.

По целосно документирање на случајот, во консултација со Јавен обвинител, ќе биде поднесена соодветна пријава.