7 божиќни традиции низ светот: Пред спиење, децата врзуваат за палецот долга врвка…

Фото: Unsplash

Ја сакате божиќната атмосфера? А, кој не ја сака! Но, интересно е да се види како другите земји го слават овој прекрасен празник.

Ви претставуваме 7 необични божиќни традиции низ светот!

ВИТЛЕЕМ

Витлеем е местото на црквата Рождество Христово, која секоја година на Божиќ е украсена со фасцинантни украси и знамиња!

На Бадник, огромен е бројот на луѓе кои ја посетуваат, но и на оние кои се качуваат на околните покриви за да ја видат драматичната годишна поворка.

Христијанските домови се обележани со крст насликан над вратата и секоја куќа прикажува сцена од раѓањето на Исус. На селскиот плоштад на бандера е поставена ѕвезда!

ЧЕШКА И СЛОВАЧКА

Во Чешка и Словачка, Свети Никола е познат како Свати Микалас. Децата веруваат дека тој слегува од небото на земјата на златно јаже заедно со еден ангел но и еден ѓавол.  Долгогодишната традиција вклучува ставање гранка од цреша во вода за да процвета и ако таа процвета на време за Божиќ, тоа е знак за среќа и дека зимата може да биде кратка.

ХОЛАНДИЈА

Во Холандија, Свети Никола, односно Дедо Мраз, е добро познат како Синтерклас. Најчесто, тој носи прачка од бреза и ги испрашува децата за нивното однесување во изминатата година. Децата кои биле „послушни“ ќе најдат во чевлите бонбони и ореви кога ќе се разбудат.

Холандските деца веруваат дека Синтерклас плови од Шпанија на неговиот празник, 5-ти декември. Децата оставаат шеќер и сено за неговите коњи со надеж дека Синтерклас ќе ги посети.

ВЕНЕЦУЕЛА

Венецуела има многу чудни, но интересни традиции! Рано наутро, помеѓу 16-ти и 24-ти декември, Венецуелците присуствуваат на дневната утринска црковна служба – Миса де Агиналдо. Во главниот град, Каракас, вообичаено е да се лизга во предбожичниот период. Затоа, повеќето населби дури ги затвораат улиците за автобуси и автомобили до 8 часот наутро.

Уште една необична традиција: пред спиење, децата врзуваат за палецот долга врвка,  а другиот крај од врвката виси низ прозорецот. Следното утро, децата кои оттука минуваат нежно ја влечат низата врвки како знак за дружење! По мисата, луѓето се собираат дома и уживаат во кафе и загуски – тостади.

Фото: Unplash

СКАНДИНАВИЈА

Дури и во овие модерни земји, прославата на Божиќ е прилично традиционална – семејството и пријателите се собираат заедно на сезонска храна и пијалок, децата ги добиваат своите подароци. До Божиќ во секој град низ Скандинавија се појавуваат бројни божиќни пазари. Се верува дека Дедо Мраз  претсавува мешавина од грчкиот светител Николаус, чија добротворна организација била инспирација за денешниот Дедо Мраз, и градинарското џуџе кое има силна историја во Скандинавија.

ПОЛСКА

Полска има многу интересна традиција наречена Вигилија. Имено, на Бадник, оброкот не може да започне додека не се појави првата ѕвезда на ноќта!

Кога се појавува ѕвездата, оплатек – специјална оризова обланда, се благословува и се крши на мали парчиња и се поделува на сите околу трпезата. Дури потоа, со јадење може да се почне. Празничната гозба има 12 јадења, по едно за секој апостол. И секогаш на масата се пстава едно дополнително место во случај да дојде некој странец или Светиот Дух.

ЈАПОНИЈА

Луѓето во Јапонија не секогаш го славеа Божиќ. Божиќ овде го воведоа христијанските мисионери, а празникот долго време го празнуваа луѓе кои се свртеа кон христијанската вера. Во денешно време Божиќ во Јапонија е широко забележан.

Многу продавници нудат најразлични подароци за жени, мажи и деца.

Сепак, денес повеќе се слави Нова година отколку Божиќ. На новогодишната ноќ, јапонските куќи се чистат и секој се облекува во својата најубава облека.

Видео на денот