Ослободени десетици киднапирани ученици од Нигерија, шестмина загинаа во заробеништво
Десетици ученици од едно приватно муслиманско училиште во западниот дел на Нигерија, кои беа киднапирани пред три месеци, се ослободени, а шестмина загинале во заробеништво, изјави вчера директорот на училиштето, пренесува Ројтерс.
На 30 мај, околу 200 тешко вооружени мажи го зазедоа градот Тегина и киднапираа 136 ученици од приватното муслиманско училиште „Салиху Танко”. Во Нигерија, од декември минатата година се случија серија масовни киднапирања во училиштата и универзитетите.
Шестмина ученици од Тегина загинале во заробеништво, а 15 успеале да избегаат во јуни, истакна директорот на училиштето Абубакар Алхашан.
„Сите ученици се ослободени. Ги враќаме дома. Не можам сега да го кажам точниот број. Ќе утврдиме кога ќе се вратат дома. Но, ниту еден од учениците веќе не е заробен“ истакна Алхашан, кој не соопшти детали околу ослободувањето на децата.
Нов напад во улилиште во Нигерија, вооружени напаѓачи грабнале 140 деца