Дали тој воопшто старее? Погледнете како изгледа Лени Кравиц на 56 години
Насловната на страница од најновиот број на списанието „Men’s Health“ овој пат ја красеше еден од најпосакуваните мажи во светот.
Лени Кравиц и во 56-тата година од животот има тело какво што би посакале многу мажи.
Пандемијата на корона вирусот ги стопираше и сите музички планови на Кравиц, а неговите концерти запреа во месец март.
Потоа ја напуштил својата куќа во Париз и заминал на Бахамите, каде што планирал да престојува извесно време во својата куќа.
Неговиот багаж веќе бил испратен во Австралија, а како што рече во интервјуто за „Men’s Health“, поради пандемијата тој веќе петти месец живее со истите работи од викенд-торбата, бидејќи пандемијата и забраните за патување и движење го спречиле да си го земе потребниот багаж.
Лени во своето интервју споделува и како го одржува своето здравје и кондиција и како успева да го задржи мирниот дух и спокој.