2МФЛ: Вардар ремизираше со Беласица, Пелистер со 11:0 го декласираше Тетекс
Во рамките од 12 коло во Втората македонска фудбалска лига бодовите ги поделија Вардар и Беласица кои одиграа 1:1. Скопските „црвено-црни“ поведоа во 74 минута со голот на Маркоски, а израмнија струмичани преку Гугуљанов (83`).
Битолски Пелистер го декласираше Тетекс со 11:0, хет-трик запиша Маневски, а по еден гол имаа Драгарски, Мустафов, Стефановски, Китановски, Наумоски, Фазлиу, Трајкоски и Здравевски.
Во другите денешни натпревари: Детонит Плачковица – Беса 1976 3:0, Борец – Саса 0:3, Кожуф Гевгелија – Слога Виница 2:0, Караорман – Лок. Скопје 1:1.
Во саботата Воска Спорт славеше над Арсими со 1:2, додека Гостивар кој останува лидер на табелата беше подобар од Охрид (1:2).
Табела: Гостивар 30 бодови, Вардар 29, Воска Спорт 27, Детонит Плачковица 24, Пелистер 23, Охрид 22…