Фудбалерите на Вардар продолжуваат успешно кон остварувањето на целта, враќањето во Првата македонска лига. Во 22 коло од Втората македонска лига играчите на Бобан Грнчаров беа убедливи над 3:0 против Каменица Саса.

Стрелци на головите за скопските „црвено-црни“ беа Десниќ во 16, Размоски во 85 и Митев во 90 минута на стадионот „Борис Трајковски“.

Пелистер славеше со 2:0 против Детонит Плачковица со головите на Љамчевски во 57 и Фазлију во 79 минута на Градскиот стадион под Тумбе Кафе.

Во останатите денешни мечеви: Арсими – Караорман 3:1, Беласица – Гостивар 0:3, Кожув Гевгелија – Пехчево Скопје 2:1, Охрид – Борец 2:0, Слога Виница – Воска Спорт 1:3, Тетекс – Беса 1976 1:2.

Табела: Вардар 55 бодови, Воска Спорт 53, Гостивар 51, Пелистер 46, Детонит Плачковица 37, Беса 1976 33, Охрид 33, Беласица 32, Арсими 30, Караорман 27, Кожуф Гевгелија 26, ФК Пехчево Скопје 20, Каменица Саса 17, Тетекс 15, Слога Виница 13, Борец 2.