Денеска во рамките од 14 коло во Втората македонска фудбалска лига (2МФЛ) во дербито ремизираа екипите на Пелистер и Вардар со конечен резултат 2:2.

Фудбалерите на двата тима играа и пред новата трибина на стадионот „Петар Милошевски“ во Битола, а воедно на ова дерби присуствуваа и навивачите групи на екипите, „Чкембари“ и „Комити“.

Пелистер водеше по првото полувреме со 2:0, головите за домашниот тим ги постигнаа Наумоски и Маневски. Скопските „црвено-црни“ го избегнаа поразот со погодоците на Христов и Маркоски.

Вардар можеше да направи целосен пресврт на овој дуел, но Мицевски во самиот финиш од средбата ја погоди стативата.

Гостивар го искористи ремито во Битола и со победа над Борец се врати на првото место во генералниот пласман. Головите за Гостивар за победа од 2:0 ги постигна Каланоски и Керим.

Во другите мечеви: Арсими – Беласица 2:0, Детонит – Воска Спорт 1:1, Караорман – Беса 0:0, Кожуф – Тетекс 3:0, Локомотива – Каменица Саса 2:1 и Охрид – Слога Виница 2:0.

Табела: Гостивар 34 бодови, Вардар 33, Воска Спорт 31, Пелистер 27, Детонит 26, Охрид 25, Караорман 20, Беласица 19, Беса 1976 18, Арсими 17, Кожу 17, Саса 13, Слога Виница 10, Тетекс 7, Борец 0.