24 поени на Ембид во дресот на Коби „24“ (ВИДЕО)
Центарот на Филаделфија на уникатен начин му оддаде почит на трагично загинатиот Коби Брајант.
Фоладелфија сиксерс со 115:104 го совлада најслабиот тим во НБА лигата, Голден стејт, а средбата ја одбележа Џоел Ембид. Центарот на Филаделфија натпреварот го одигра во дресот со број 24 во чест на Коби Брајант, а дека се беше во знакот на бројот 24, покажува и неговиот број на постигнати поени. Ембид средбата ја заврши со 24 постигнати поени и бешенајефикасен во својот тим.
За да го носи бројот 24 кој Филаделфија го има повлечено во чест на Боби Џонс, Ембид му се јавил на легендарниот кошаркар на Филаделфија објаснувајќи какво влијание имал Коби на него додека растел во Африка, по што добил дозвола да настапи во овој дрес.
Раул Нето постигна 18, а Бен Симонс 17 поени, додека на спротивната страна Деанџело Расел со 28 поени беше најпрецизен кај „воините“.
??⚪️⚪️#PhilaUnite pic.twitter.com/NUFZqKsv38
— Philadelphia 76ers (@sixers) January 29, 2020
Милвоки бакс покажа дека може да победува и да постигнува поени и без првата ѕвезда, Јанис Антетокумпо. Улогата на прв стрелец ја презеде Крис Мидлтон кој во триумфот од 151:131 постигна рекордни во кариерата 51 поен.
Поради смртта на Брајант, не се одигра дербито за Лос Анџелес помеѓу „лејкерс“ и „клиперс“ што е четврти натпревар во историјата на лигата кој е одложен
Резултати:
Шарлот – Њујорк 97:92
Филаделфија – Голден Стејт 115:104
Кливленд – Њу Орлеанс 111:125
Торонто – Атланта 130:114
Мемфис – Денвер 104:96
Мајами – Бостон 101:109
Милвоки – Вашингтон 151:131
Далас – Феникс 104:133