Денеска се комплетираше осмото коло во Првата македонска фудбалска лига, во дербито Вардар пред своите гледачи ја совлада екипата на Академија Пандев со 1:0.

Голот вреден три бода беше постигнат во 38 минута од пенал. Пред голот на „пандевци“, Жуниор скокна и беше фаулиран од Јованов. Одговорноста за ударот од белата точка ја имаше Даниел Аврамовски кој биеше прецизно во средината.

Во другите мечеви, Ренова беше подобра од Борец со 2:1, поведе домаќинот со погодокот на Селмани (16` минута), па израмни Христов (83`), а четири минути подоцна трите бода за „гипсарите“ ги обезбеди Гафури.

Силекс славепе со 1:0 над Работнички благодарение на голот на српскиот интернационалец Зеравица (26`), а Македонија ЃП преку Божиновски кој двапати се запиша во листата на стрелците (22`, 62` минута) триумфираше на гостувањето кај Струга Трим Лум.

На табелата води Вардар со 19 бодови, четири повеќе од Академија Пандев, а на третата позиција е Македонија ЃП со 14.