Викендов продолжуваат возбудувањата во Првата македонска фудбалска лига со натпреварите од 19. коло за старт на пролетниот дел од сезоната после кој ќе се дознае и шампионот за сезоната 2019/20.

Денеска имаме еден меч на Националната арена „Тодор Проески“ со почеток од 14.00 часот лидерот во генералниот пласман Вардар ќе биде домаќин на екипата на Македонија Ѓорче Петров.

Инаку сезонава Вардар и натаму ја бара првата победа над својот противник. Во првиот меч сезонава Македонија ЃП победи со 0:2, додека вториот меч во Ѓорче Петров заврши без победник 1:1.

Дербито на првенствената рунда ќе се игра в недела од 13.00 часот на Стадионот „Младост“ во Струмица каде што Академија Пандев пред своите навивачи ќе ги одмери силите против Шкендија.

Силекс ќе се обиде да го продолжи патот кон позициите кои водат во Европа, а целта на Работнички кој е на дното на табелата има за задача да обезбеди опстанок.

Прва лига
19. коло, двојки

Сабота –
14.00 часот Вардар-Македонија ЃП

Недела –

13.00 часот Академија Пандев-Шкендија
14.00 часот Шкупи-Борец
14.00 часот Ренова-Силекс
14.00 часот Струга Трим Лум-Работнички

Табела:
1. Вардар 36 бодови
2. Шкендија 28
3. Академија Пандев 27
4. Силекс 27
5. Македонија ЃП 26
6. Струга Трим Лум 24
7. Шкупи 22
8. Борец 20
9. Ренова 19
10.Работнички 15