1МФЛ: Шкупи убедливо против „пандевци“, Шкендија ремизираше со Струга Трим Лум
Денеска официјално заврши сезоната (2021/2022) во Првата македонска фудбалска лига (1МФЛ), новиот шампион Шкупи на стадионот во Чаир триумфираше пред своите навивачи убедливо со 3:0 славеше над Академија Пандев.
Двоен стрелец беше Трапановски, првиот гол го постигна во 41 минута, а вториот непосредно пред паузата (45+2`). Конечниот епилог го постави Абази во 67 минута.
Шкендија ремизираше на гостувањето кај Струга Трим Лум со 1:1, погодоците беа реализирани пред самиот финиш. Илиески обезбеди водство за стружани (90+2`), а Рамадани им донесе бод на тетовските „црвено-црни“ 180 секунди подоцна (90+5`).
Најубедлива во рундата беше Ренова која со 1:5 славеше кај Борец. „Гипсарите“ стекнаа позитива со головите на Абдула (15`) и Кахримановиќ (28`), а единствениот гол велешани го постигнаа преку Ибрахимовиќ (36`).
Пред крајот на првото полувреме Ренова стрелаше за 1:3, голот беше дело на Селмани. Во второто полувреме „петардата“ ја комплетираа Шефити (53`) и Јусуфи (60`).
Скопје кој ќе игра во баражот за опстанок беше подобар од Брегалница со 4:1. За домаќините два гола запипа Јаневски, а по еден Десниќ и Игнатов, а за штипјани Ацковски го ублажи поразот (80`).
Пелистер од следната сезона ќе игра во Втората лига, денеска уште еднаш ги разочара навивачите откако загуби од Работнички со 2:1. За „романтичарите“ во листата на стрелците се запишаа Тодоровски и Станковски, а битолчани само намалија преку Ричков.
И Тиквеш е во победничка атмосфера пред баражот, со резултат 2:1 славеше против Македонија ЃП. Купер ги израдува „лавовите“ од Ѓорче Петров со водство во 20 минута, но во вториот дел следуваше пресврт. Клубот од Кавадарци ги освоија трите бода благодарение на Љамчевски кој беше прецизен од пенал и Христов во 91 минута.
Прва лига, 33. последно коло
Недела, резултати –
Борец – Ренова 1:5, Скопје – Брегалница Штип 4:1, Работнички – Пелистер 2:1, Шкупи – Академија Пандев 3:0, Струга Трим Лум – Шкендија 1:1, Тиквеш – Македонија ЃП 2:1.
Конечна табела:
1. Шкупи 76 бодови (квалификации Лига на шампиони)
2. Академија Пандев 64 (квалификации Лига на Конференции)
3. Шкендија 61 (квалификации Лига на конференции)
—
4. Македонија ЃП 57
5. Ренова 48
6. Струга Трим Лум 47
7. Брегалница Штип 45
8. Работнички 43
—
9. Скопје 35 (бараж)
10.Тиквеш 34 (бараж)
—
11.Борец 21 (Втора лига)
12.Пелистер 14 (Втора лига)